您的位置 主页 > J彩生活 >【情人节服毒】日本Peyoung朱古力捞麵食评 >

【情人节服毒】日本Peyoung朱古力捞麵食评

【情人节服毒】日本Peyoung朱古力捞麵食评

留名找数真汉子,上次食士多啤梨蛋糕狗粮捞麵嗰阵应承会试只朱古力味,适逢2月14日冇人约,化悲愤为勇气,就索性拣呢个好日子自虐。喺度讲声唔好意思先,日本最近忽然好兴食一平狗粮捞麵,同牌子买唔到,惟有搵呢只新出同味嘅Peyoung朱古力捞麵顶档。而家食完成粒钟,仲係好想呕。

Peyoung同一平都好兴自创独特口味,一平嗰边有布丁、酸梅味,Peyoung最具代表性嘅笔者觉得係莞茜味。呢次试食嘅朱古力味係上月出嘅新品,焗法亦係一般捞麵咁上吓,落水、揿盖3分钟,之后倒水、落酱、落配料。照旧郁手前观察吓入面有咩:朱古力酱冇嘢好讲,配料入面有不明红色碎屑以及疑似脆粒。

【情人节服毒】日本Peyoung朱古力捞麵食评
◆ 包装背面写住480kcal,同月饼差唔多,都几肥…【情人节服毒】日本Peyoung朱古力捞麵食评
◆ 盒内有酱汁同配料各一包 【情人节服毒】日本Peyoung朱古力捞麵食评
◆ 呢包配料完全唔知何方神圣【情人节服毒】日本Peyoung朱古力捞麵食评
◆ 朱古力酱

焗好倒咗水就落嘢喇,首先开包朱古力酱,搵支叉点少许单试。朱古力酱的确係朱古力酱,但人工味连kitkxt之类都比唔上,极似强国产朱古力饼味,质感偏杰。嚟到呢度笔者已知难逃一劫,快脆倒埋包不明配料落去捞算数,捞嗰下至经典,你哋睇相咪以为只係豉油王炒麵,现场望住个麵饼慢慢变到接近黑色(烂机拍摄有色差),真係以为捞紧屎……

进入正题,可能係经历过一平有免疫力,第一啖未如想像中难食,杰摊摊嘅朱古力酱首先黏晒落条脷度。虽然酱汁比上次易捞,但麵同朱古力酱两者无法融为一体,感觉麵还麵,朱古力还朱古力,又涩又甜忽然间又无味。脆粒配上酱汁尤如朱古力脆脆,整体冲击度冇士多啤梨蛋糕捞麵咁高,主要问题出自只劣质朱古力酱。谂住自己一定轻易食得完,结果係笔者太年轻了,随住进食量增加,口腔内嘅廉价朱古力味愈趋浓厚,食咗半盒左右真心反胃,直接送剩番嘅去垃圾桶。

【情人节服毒】日本Peyoung朱古力捞麵食评
◆ 焗麵!【情人节服毒】日本Peyoung朱古力捞麵食评
◆ 焗好第1步:落朱古力酱,好似老抽…【情人节服毒】日本Peyoung朱古力捞麵食评
◆ 畀个近镜大家,呢张最接近实际颜色【情人节服毒】日本Peyoung朱古力捞麵食评
◆ 第2步:落配料【情人节服毒】日本Peyoung朱古力捞麵食评
◆ 几易捞【情人节服毒】日本Peyoung朱古力捞麵食评
◆ 丢之前影张遗照

事后笔者灌咗两杯茶再啪成筒糖,hp值先逐渐升番上正常水平,不过阵朱古力味残留喺编辑部久久不散,畀同事集体投诉同埋怨。经此一役,无论係笔者自己,定编辑部短期内都唔想写劣食食评住,以免严重影响室内空气质素。

  上一篇:   下一篇: